புலிகள் காட்டில்: காட்டுப்பூனைகள் கரகம் ஆடுகிறது!! -டக்ளஸ், சந்திரகுமார், அங்கஜனை சாடுகிறார் “சிறிதரன்”- - Yarl Thinakkural

புலிகள் காட்டில்: காட்டுப்பூனைகள் கரகம் ஆடுகிறது!! -டக்ளஸ், சந்திரகுமார், அங்கஜனை சாடுகிறார் “சிறிதரன்”-

புலிகளில் இல்லாத காட்டில் இன்போது இளைஞர், யுவதிகளை காணாமல் போக செய்தும், பல படுகொலைகளை அரங்கேற்றிய காட்டுப்புனைகளான டக்ளஸ், சந்திரகுமார், அங்கஜன், கருணா போன்றவர்கள் தற்போது கரகம் ஆடுகிறார்கள் என்று தமிழ் தேசியக் கூட்டமைப்பின் வேட்பாளர் சிவஞானம் சிறிதரன் சாடியுள்ளார். 

நேற்று  கிளிநொச்சி கண்ணகிநகர் பகுதியில் இடம்பெற்ற பிரச்சாரக் கூட்டத்தில் உரையாற்றும் போதே அவர் மேற்கண்டவாறு தெரிவித்தார். 

இவ்விடயம் தொடர்பில் அவர் மேலும் தெரிவிக்கையில்:- 

யுத்தம் இடம்பெற்ற  காலப்பகுதியில் 300 மேற்பட்ட இளைஞர், யுவதிகள் காணாமற்போகவும் அவர்களில் பலர் கொலை செய்யப்படவும் காரணமாக இருந்த டக்ளஸ் தேவானந்தா அசோக் எனும் பெயரில் இயங்கிய சந்திரகுமார் மற்றும் அரசின் கைக் கூலிகளான பிள்ளையான் கருணா, அங்கஜன் போன்றோர், தற்போது தமிழர்களை மீட்பவர்கள் போலவும் தீர்வு பெற்றுத் தரப் போகின்றோம் எனவும்  சொல்லி தமிழ்ர்களின் மாற்று அணியாக தங்களைக் காட்டிக்கொள்கின்றார்கள்.

மக்களுடைய எண்ணங்கள் சரியானதாக அமைவதற்காகவே, நாங்கள் சரியான சகவாழ்வுடனும், சமயோசித்துடனும் எங்களுடைய அரசியலை செய்து வருகிறோம். ஆனால்,  சிங்கள பேரினவாதிகளும் அவர்களின் எலும்புத்துண்டை காவித்திரியும் கைக்கூலிகளும், தமிழர்கள் தங்களுக்கென்று தனியான ஆட்சியொன்றை ஏற்படுத்திவிடக்கூடாது என முனைப்புடன் செயற்பட்டு வருகின்றனர்.

நாங்கள் நிம்மதியாக வாழவேண்டும் என்பதற்கான ஆயிரம் ஆயிரம் வீரர்கள் தங்கள் உயிரை கொடுத்து இந்த மண்ணின் விடுதலைக்காக போராடினார்களோ அந்த கிளிநொச்சி, யாழ்ப்பாண மாவட்டங்களில் சில காட்டுப்பூனைகள் இப்போது கரகம் ஆடிக்கொண்டு இருக்கிறார்கள்.

எங்கள் ஆயுதப் போராட்டம் மௌனிக்கப்பட்டதன் பின்னர் அரசியல் ரீதியாக இராயஜதந்திர ரீதியாக போராடி வருகின்றோம். நம்மவர்கள் ஒட்டுக் குழுக்கள் போல கடந்த காலத்தில் ஆயுதங்களை விடும்பி கையில் எடுத்தவர்கள் அல்ல இதனை தமிழீழ விடுதலை போராட்டத்தின் மூத்த போராளியாக பேசப்படுகின்ற தங்கத்துரை, 1983ஆம் ஆண்டு, நாங்கள் ஆயுதங்கள் மீது காதல் கொண்ட மனநோயாளிகள் அல்ல என்று இலங்கை நீதிமன்றத்தில் கூறினார்.

தமிழீழ விடுதலை புலிகளின் தலைவர் பிரபாகரன் 1985 ஆம் ஆண்டு, இந்திய பத்திரிகையாளர் அனித்தா பிரதாப்பிற்கு பேட்டி அளிக்கும் போது, நாங்கள் ஆயுதங்கள் மீது விருப்பம் கொண்டு அவற்றை எடுத்தவர்கள் அல்ல. ஆயதங்கள் எங்கள் மீது திணீக்கப்பட்டன என தெரிவித்தார்.

ஆகவே நாங்களும் இப்போது யாரையும் துப்பாக்கிகளை தூக்குங்கள் என்றும் சொல்லவில்லை. எங்கள் உரிமைகள் வேண்டும் என்றே கேட்கின்றோம். அதனை பெற அரசியல் ரீதியாக போராடிவருகின்றோம் ஆகவே எங்கள் கைகளை பலப்படுத்த வேண்டிய கடமை தமிழர்களாகிய உங்களிடமே உள்ளது என்றார். 

Post a Comment

Previous Post Next Post