காற்று தூக்கி வீசிப்பட்ட முதியவர் சாவு!! -கோப்பாய் பாலத்தில் சம்பவம்- - Yarl Thinakkural

காற்று தூக்கி வீசிப்பட்ட முதியவர் சாவு!! -கோப்பாய் பாலத்தில் சம்பவம்-

மோட்டார் சைக்கிளில் பயணித்த போது கடுமையான காற்றின் தாக்கம் காரணமாக தூக்கி வீசப்பட்ட முதியவர் யாழ்;ப்பாணம் போதனா வைத்தியசாலையில் அனுமதிக்கப்பட்ட நிலையில் இன்று உயிரிழந்துள்ளதாக கோப்பாய் போக்குவரத்து பொலிஸார் தெரிவித்தனர். 

கோப்பாய் தெற்கு பகுதியினை சேர்ந்த சந்திரசேகர் சரவணமுத்து வயது 80 என்ற முதியவரே உயிரிழந்தவர் ஆவார். வெள்ளிக்கிழமை 12ம் மேற்படி முதியவர் தனது மகனுடன் எழுதுமட்டுவாழுக்கு சென்று விட்டு மீண்டும் வீடு திரும்பிக்கொண்டு இருந்துள்ளனர். 

இதன் போது இவர்கள் கோப்பாய் பாலத்திற்கு அருகில் வந்து கொண்டு இருந்த போது கடுமையான காற்று வீசியுள்ளது. காற்றில் தூக்கி வீசப்பட்ட முதியவர் இரும்பு கேடறுடன் அடியுண்டு தலையில் காயமடைந்துள்ளார். 

உடனடியாக அவரை வீதியால் சென்றவர்கள் காப்பாற்றி யாழ்ப்பாணம் போதனா வைத்தியசாலையில் சேர்ப்பித்திருந்தனர். எனினும் முதியவர் சிகிச்சை பலன் இன்றி உயிரிழந்துள்ளதாக பொலிஸார் கூறினர். 

இறப்பு விசாரணையினை வைத்தியசாலையின் திடிர் இறப்பு அலுவலர் நமசிவாயம் பிறேம்குமார் மேற்கொண்டார். உடற்கூற்று பரிசோதனையின் பின் சடலம் உறவினர்களிடம் ஒப்படைக்கப்பட்டது.

Post a Comment

Previous Post Next Post