தரிசு நிலத்தில் விவசாயம்: அறுவடைகள் வறியவர்களுக்கு!! -யாழ் பல்கலை மாணவர்களின் புதிய முயற்சி- - Yarl Thinakkural

தரிசு நிலத்தில் விவசாயம்: அறுவடைகள் வறியவர்களுக்கு!! -யாழ் பல்கலை மாணவர்களின் புதிய முயற்சி-

கொரோனா பரவலை அடுத்து நடமுறைப்படுத்தப்பட்ட ஊடரங்கு சட்டத்தால் பாதிக்கப்பட்ட மக்களுக்கு உதவி செய்வதற்கு யாழ் பல்கலைக்கழக கலைப்பீட மாணவர் ஒன்றியம் புதிய முயற்சி ஒன்றை முன்னெடுத்து அதில் வெற்றியும் கண்டுள்ளது. 

குறித்த மாணவர்களின் புதிய முயட்சியால் ஊடரங்கால் பாதிக்கப்பட்ட மக்களுக்கு உதவிகள் கிடைத்ததுடன், தரிசு நிலங்களில் விவசாயம் செய்வோம் என்ற முன்னுதாரன செயற்பாட்டினையும் செய்து காட்டியுள்ளனர். 

நாட்டில் கொரோனா வைரஸ் தொற்று பரவல் காரணமாக ஊடரங்கு சட்டம் அமுல் படுத்தப்பட்டு அனைத்து செயற்பாடுகளும் முடக்கப்பட்டன. இதனால் பல குடும்பங்கள் வருமானங்களை இழந்து வறுமைக்குள் தள்ளப்பட்டனர். 

வருமானம் இழந்த குடும்பங்களுக்கான உலர் உணவுகளை வழங்கும் நடவடிக்கைகளை மாணவர் ஒன்றியம் கடந்த சில வாரங்களுக்கு முன்னர் வழங்கியிருந்தது. 

இந்நிலையில் வறுமையில் வாடுபவர்களுக்கு உதவி செய்வதற்கான புதிய முயட்சி ஒன்றினை எடுத்து, அந்த முயட்சியை இளைஞர்கள் மத்தியில் முன்னுதாரனமாக காட்டுவதற்கு கலைப்பீட மாணவர் ஒன்றியத்தால் சில நடவடிக்கைகள் முன்னெடுக்கப்பட்டு வருகின்றன. 

இதன் ஒரு அங்கமாக யாழ்.பல்கலைக்கழக கலைப்பீட மாணவர் ஒன்றியத்தினால் கீரிமலை பகுதியில் காணப்பட்ட 10 பரப்பு தரிசு நிலத்தினை மேம்படுத்தி அதில் விவாசாய செய்கையினை முன்னெடுத்து வந்தனர். 

அங்கு பயிரிடப்பட்ட மிளகாய், கீரை, கரட், பூசணி போன்ற மரக்கறிகளை இன்று அறுவரை செய்யப்பட்டன. இவ்வாறு அறுவடை செய்யப்பட்ட மரக்கறிகள் அனைத்தும் ஊர்காவற்றுறையில் பாதிக்கப்பட்ட 150 குடும்பங்களுக்கு வழங்கப்பட்டன. 

இவ்வாறான புதிய முயட்சி ஒன்றினை செய்து அதில் வெற்றி கண்ட மாணவர்கள் தெரிவிக்iகியல்:- 

இலங்கையில் பல தரிசு நிலங்கள் காணப்படுகின்றது அதனை இளைஞராகள் கவனத்தில் கொண்டு விவசாய நடவடிக்கைகளில் ஈடுபட வேண்டும் விவசாயத்திற்க முன்னுரிமை வழங்க வேண்டும் என்று கூறியுள்ளனர்.
Previous Post Next Post