குடியுரிமை சர்ச்சை!! அவசரமாக அமெரிக்க பறக்கும் கோத்தா- - Yarl Thinakkural

குடியுரிமை சர்ச்சை!! அவசரமாக அமெரிக்க பறக்கும் கோத்தா-

நாட்டில் நடைபெறவுள்ள ஜனாதிபதி தேர்தலில் போட்டிவுள்ள கோத்தபாய ராஜபக்ச அவசர அவசரமாக அமெரிக்கா செல்லவுள்ளதாக இரகசிய தகவல் வெளியாகி உள்ளது.

ஜனாதிபதி தேர்தலை குறிவைத்து நாடு முழுவதிலும் உள்ள சமய தலங்களிற்குற் சென்று விசேட பூஜை வழிபாடுகளில் ஈடுபட்டு வரும் கோத்தபாய ராஜபக்ச அமெரிக்கா செல்ல தயாராகி வருகிறார்.

கோத்தபாயவின் அமெரிக்க குடியுரிமை தொடர்பில் எழுந்துள்ள நெருக்கடிகளை அடுத்து அவர் அமெரிக்கா செல்லவுள்ளார்.

இலங்கை - அமெரிக்க குடியுரிமையை கொண்ட கோத்தபாய, தேர்தலில் போட்டியிடுவதற்காக அமெரிக்க குடியுரிமையை ரத்துச் செய்ததாக பகிரங்கமாக அறிவித்திருந்தார்.

எனினும் அமெரிக்காவினால் நேற்று வெளியிட்ட பட்டியலில் கோத்தபாய தனது குடியுரிமையை நீக்கிக் கொள்ளப்பட்டதாக உள்ளடக்கப்படவில்லை. இந்நிலையிலேயே அவர் அவசர அவசரமான அமெரிக்கா செல்ல உள்ளார் என்றும் தகவல்கள் தெரிவிக்கின்றன.
Previous Post Next Post