வடக்கின் போர் 7ஆம் திகதி ஆரம்பம்! - Yarl Thinakkural

வடக்கின் போர் 7ஆம் திகதி ஆரம்பம்!

'வடக்கின் போர்' என வர்ணிக்கப்படும் யாழ்ப்பாணம் மத்திய கல்லூரிக்கும் யாழ்ப்பாணம் சென்.ஜோன்ஸ் கல்லூரிக்கும் இடையிலான கிரிக்கெட் போட்டி வரும் 7ஆம் திகதி வியாழக்கிழமை ஆரம்பமாகி 3 நாள்கள் நடைபெறவுள்ளது.

113 ஆவது போட்டியான இது இம்முறையும் யாழ்ப்பாணம் மத்திய கல்லூரி மைதானத்தில் நடைபெறுகிறது. போட்டியின் பாதுகாப்பு இரண்டு கல்லூரிகளின் சமூகத்தாலும் பொலிஸாரிடம் வழங்கப்பட்டுள்ளது. 

போதையில் அடாவடியில் ஈடுபடுவோர் தண்டிக்கப்படுவர் என கூறப்பட்டுள்ளது. இந்தப் போட்டி தொடர்பான செய்தியாளர்கள் சந்திப்பும், வீரர்கள் அறிமுக நிகழ்வும் இன்று யாழ்.மத்திய கல்லூரியில் இடம்பெற்றது.

யாழ்.மத்திய கல்லூரியின் அதிபர் எஸ்.கே.எழில்வேந்தன் தெரிவித்ததாவது:-

மதுபோதை அல்லது போதைப் பொருள்கள் பாவனையுள்ள எவரும் போட்டியைப் பார்க்க அரங்குக்குள் அனுமதிக்கப்படமாட்டார்கள்.

இரு கல்லூரி மாணவர்களும் சீருடையுடன் மட்டுமே மைதானத்துக்குள் அனுமதிக்கப்படுவர். பழைய மாணவர்களும் நலன்விரும்பிகளும் இருப்பிட வசதிகொண்ட பகுதிக்காக 100 ரூபா பணத்தை வழங்கி அனுமதியைப் பெற்றுக்கோள்ள முடியும்.

சுப்பிரமணியம் பூங்கா பக்கம் உள்ள நுழைவாயில் மூடப்படும்.சென்.ஜோன்ஸ் கல்லூரி மாணவர்களும் ஆசிரியர்களும் பழைய மாணவர்களும் பொதுநூலகப் பக்கமாக மைதானத்துக்கு மேற்குத் திசையிலிருக்கும் வாயில் ஊடாக அனுமதிக்கப்படுவர்.

ரிம்பர் மண்டப பக்கமாக உள்ள வாயில் ஊடாக மத்திய கல்லூரி மாணவர்கள், ஆசிரியர்கள் மற்றும் பழைய மாணவர்கள் அனுமதிக்கப்படுவர்.

அணிகளின் வீரர்களும் மாணவ தலைவர்களும் தவிர்ந்தோர் எல்லைக்கோட்டுக்குள்ளே எக்காரணம் கொண்டும் உள்பிரவேசித்தல் தண்டனைக்குரிய குற்றமாகும் என்றார்.

போட்டி நேர அட்டவணை 

ஆரம்ப நாள் நிகழ்வு வியாழக்கிழமை முற்பகல் 9.15 மணிக்கு வீரர்கள் அறிமுகம் இடம்பெற்று போட்டி மு.ப.10 மணிக்கு போட்டி ஆரம்பமாகும்.

முதற்பகுதி ஆட்டம் மு.ப 10 மணி - நண்பகல் 12 மணி மதிய உணவு நண்பகல் 12 மணி தொடக்கம் 12.40 இரண்டாம் பகுதி நண்பகல் 12.40 மணி தொடக்கம் பி.ப. 2.40 தேனீ்ர் இடைவேளை பி.ப. 2.40 மணி தொடக்கம் பி.ப. 3 மணி மூன்றாம் பகுதி பி.ப. 3 மணி தொடக்கம் மாலை 5 மணி வரை நடைபெறும்.












Previous Post Next Post