அண்ணா பல்கலையின் ஆலோசகராக நடிகர் அஜித் - Yarl Thinakkural

அண்ணா பல்கலையின் ஆலோசகராக நடிகர் அஜித்

சென்னை அண்ணா பல்கலைக்கழகத்தின் ஹெலிகொப்டர் சோதனை பைலைட்டாக நடிகர் அஜித் நியமனம் செய்யப்பட்டுள்ளார். எதிர்வரும் செப்ரெம்பர் மாதம் அவுஸ்திரேலியாவில் உள்ள குயின்ஸ்லாந்தில் ஆளில்லா வானுர்தி தொடர்பான போட்டிகள் நடைபெறவுள்ளது. இந்த போட்டியில் சென்னை அண்ணா பல்கலைக்கழகத்தின் ஒரு பிரிவான சென்னை தொழில்நுட்ப கல்லூரி மாணவர்கள் பங்கேற்கவுள்ளனர்.
இந்நிலையில் அவுஸ்திரேலியா போட்டியில் கலந்து கொள்ளும் மாணவர்களுக்கு வானூர்திகளை இயக்கும் ஆலோசகராக நடிகர் அஜித்தை அண்ணா பல்கலைக்கழகம் நியமனம் செய்துள்ளது. மேலும் சோதனை ஹெலிகொப்டர் பைலைட்டாகவும் அவர் நியமனம் செய்யப்பட்டுள்ளார்.
மாணவர்களுக்கு உதவும் வகையில், எந்தவித எதிர்பார்ப்பும் இல்லாமல் நடிகர் அஜித் அண்ணா பல்கலைக்கழகத்துக்கு தன்னை அர்பணித்துள்ளார். திரையுலகில் கோடிக்கணக்கில் சம்பளம் வாங்கும் நடிகர் அஜித், ஒரு முறை மாணவர்களுக்கு சொல்லி கொடுப்பதற்காக ஆயிரம் ரூபா மட்டுமே ஊதியம் பெறுகிறார். அந்த ஆயிரம் ரூபாவையும் அங்கு பயிலும் ஏழை மாணவர்களுக்கு கொடுக்குமாறு தெரிவித்துள்ளார்.

Previous Post Next Post