Thursday, May 23, 2019

நிரந்தரமாக விடுவிக்க கோரி: யாழ்.பல்கலையில் கவனயீர்ப்பு போராட்டம்!

நிரந்தரமாக விடுவிக்க கோரி: யாழ்.பல்கலையில் கவனயீர்ப்பு போராட்டம்!

யாழ்.பல்கலைக்கழக மாணவர் ஒன்றிய தலைவர், செயலாளர் மற்றும் சிற்றுண்டிச்சாலை உரிமையாளர்களைவ ழக்கில் இருந்து முழுமையாக விடுவிக்கக் கோரி மாணவர்கள் இன்றும் கவனயீர்ப்பு போராட்டத்தை நடத்தினர்.

மாணவர்கள் நேற்று முதல் ஆரம்பித்துள்ள வகுப்பு பகிஸ்கரிப்பு போராட்டத்திற்கு வலுச் சேர்க்கும் வகையிலேயே மேற்படி கவனயீர்ப்பு போராட்டத்தினை அவர்கள் நடத்தியிருந்தனர்.

ஈஸ்டர் தின தற்கொலை குண்டுத்தாக்குதலை நடத்து அனைத்து பல்கலைக்கழகங்களின் கற்றல் நடவடிக்கைகளும் இடைநிறுத்தப்பட்டது.

கற்றல் நடவடிக்கைகள் இடைநிறுத்தப்பட்டிருந்த நிலையில் கடந்த 3 ஆம் திகதி யாழ்.பல்கலைக்கழகம் இராணுவத்தால் முற்றுகையிடப்பட்டு தேடுதல் நடத்தப்பட்டது.

இத் தேடுதல் நடவடிக்கையின் போது தமிழீழ விடுதலைப் புலிகளின் ஆவணங்கள் மீட்கப்பட்ட குற்றச்சாட்டில் பல்கலைக்கழக மாணவர்கர் ஒன்றிய தலைவர் மற்றும் செயலாளர் இராணுவத்தால் கைது செய்யப்பட்டனர்.

மேலும் மருத்துவ பீட சிற்றுண்டிச்சாலை மண்டபத்தில் இருந்த தியாகி திலீபனின் புகைப்படம் தொடர்பில் சிற்றுண்டிச்சாலை உரிமையாளரும் இராணுவத்தால் கைது செய்யப்பட்டார்.

கைது செய்யப்பட்டவர்கள் கோப்பாய் பொலிஸ் நிலையத்தில் ஒப்படைக்கப்பட்ட நிலையில் அவர்களுக்கு எதிராக பயங்கரவாத தடைச்சட்டத்தின் கீழ் யாழ்.நீதவான் நீதிமன்றத்தில் வழக்கு தொடரப்பட்டது.

மாணவர்கள் மற்றும் சிற்றுண்டிச்சாலை உரிமையாளர் ஆகியோர் பிணையில் விடுவிக்கப்பட்ட போதும், அவர்கள் மீது பயன்படுத்தப்பட்டுள்ள பயங்கரவாத தடைச்சட்டம் முழமையாக நீக்கப்பட்டு, அவர்கள் வழக்கில் இருந்து முழுமையாக விடுவிக்க கோரி மாணவர்கள் நேற்று முதல் வகுப்பு பகிஸ்கரிப்பு போராட்டத்தில் ஈடுபட்டு வருகின்றனர்.

இநிலையில் தமது போராட்டத்தினை வலுச் சேர்க்கும் வகையில் இன்று வியாழக்கிழமை காலை பல்கலைக்கழக பிரதான நுழைவாயில் முன் ஒன்று கூடிய மாணவர்கள் கவனயீர்ப்பு போராட்டம் ஒன்றினை நடத்தியிருந்தனர்.

இப் போராட்டத்தில் மாணவர்களின் விடுதலையை வலியுறுத்தும் பதாகைகளை கைகளில் தாங்கியவாறு அமைதியான வகையில் மாணவர்கள் தமது போராட்டத்தினை நடத்தியிருந்தனர்.

Wednesday, May 22, 2019

ஆனையிறவில் போர் வீரர்கள் தினம்!

ஆனையிறவில் போர் வீரர்கள் தினம்!

யுத்தத்தில் உயிரிழந்த முப்படையினரைக் கௌரவிக்கும் போர் வீரர்கள் நினைவு தினம் கிளிநொச்சி ஆனையிறவில் உள்ள நினைவு தூபிக்கு முன்பாக இடம்பெற்றது.

இதன் போது நினைவுத்தூபிக்கு இராணுவ அதிகாரிகளால் மரியாதை செலுத்தப்பட்ட, மலர்ச்செண்டு வைத்து அஞ்சலி செலுத்தப்பட்டது. இதனை தொடர்ந்து சர்வ மத வழிபாடுகள் இடம்பெற்றன.

இதில் யாழ். மாவட்ட கட்டளைத் தளபதி மேஜர் ஜெனரல் தர்சன ஹெட்டியாராட்சி, , சர்வ மத தலைவர்கள். இராணுவ அதிகாரிகள் இராணுவத்தினர் கலந்து கொண்டனர்.



Tuesday, May 21, 2019

வற்றாப்பளைக்கு குண்டுடன் சென்றவர்கள் கைது!

வற்றாப்பளைக்கு குண்டுடன் சென்றவர்கள் கைது!

முல்லைத்தீவு வற்றாப்பளை அம்மன் ஆலயம் திருவிழாவிற்குச் சென்றவர்கள் குண்டுடன் கைது செய்யப்பட்டுள்ளனர்.

யாழ்,வடமராட்சியில் இருந்து குறித்த ஆலயத்திற்குச் சென்ற வல்வெட்டித்துறையைச் சேர்ந்தவர்களே பளைப் பொலிஸாரால் நேற்று கைது செய்யப்பட்டுள்ளனர்.

வல்வெட்டித்துறையில் இருந்து பொங்கல்த் திருவுக்காகச் சென்றவர்கள், போக்குவரத்து விதிமுறைகளை மீறினார்கள் எனபது தொடர்பில் பொலிஸாருக்கும் வானில் பயணித்தோருக்குமிடையே  வாய்த் தற்கம் ஏறபட்டுள்ளதாகவும்,

இதன்பின்னர் பொலிஸார் குறித்த வானில் குண்டை வைத்து விட்டு வானில் வந்தவர்கள்
குண்டு வைத்திருந்ததாக சோடிக்கப்பட்ட பொய்யர்களுக்கும் குற்றச் சாட்டின்  கீழ்  குறித்த ஐவரும் கைது செய்யப்பட்டுள்ளதாக குடும்பத்தினர் பொலிஸார் மீது குற்றம் சுமத்துகின்றனர்.

திட்டமிட்ட வகையில் பொலிஸார் குண்டை நாமே வைத்துவிட்டு தமது உறவுகளை கைது செய்திருப்பதாகவும் இந்த விடயம் தொடர்பில் உரிய நடவடிக்கை எடுக்கப்பட வேண்டுமென்றும் கேட்டுள்ளனர்

மேலும் குறித்த சம்பவத்துடன் தொடர்புபட்டதாக  பொலிஸாருனால் கைது செய்யப்பட்டவர்களது வீடுகள் வல்வெட்டித்துறையில் சுற்றிவளைக்கப்பட்டு தேடுதல் மேற்கொள்ளப்பட்டுள்ளமை குறிப்பிடத்தக்கது.

Sunday, May 19, 2019

பண்ணைக் கடலுக்குள் பாய்ந்து கார்! -ஒருவர் சாவு; 2 பேர் படு காயம்-

பண்ணைக் கடலுக்குள் பாய்ந்து கார்! -ஒருவர் சாவு; 2 பேர் படு காயம்-

யாழ் தீவகம் பண்ணை வீதியில் இடம்பெற்ற கார் விபத்தில் ஒருவர் உயிரிழந்தார்.

மேலும் இரண்டு பேர் படுகாயமடைந்த நிலையில் யாழ்.போதனா வைத்தியசாலையில் சேர்க்கப்பட்டுள்ளனர்.

இந்த விபத்து இன்று மாலை 5 மணியளவில் மண்டைதீவுச் சந்திக்கு அண்மையாக இடம்பெற்றது.

மூவரும் காரில் மண்கும்பான் சாட்டிக் கடற்கரைக்குச் சென்று திரும்பும் போதே இந்த விபத்து இடம்பெற்றது.

வேகக் கட்டுப்பாட்டையிழந்த கார், வீதியோரம் உள்ள கட்டைகளுடன் மோதுண்டு கடலுக்குள் பாய்ந்தது என பொலிஸாரால் தெரிவிக்கப்பட்டது.

சம்பவத்தில் ஒருவர் உயிரிழந்தார். சாரதி உள்பட இருவர் படுகாயமடைந்து ஆபத்தான நிலையில் யாழ்ப்பாணம் போதனா வைத்தியசாலையில் சேர்க்கப்பட்டுள்ளனர்.

உயிரிழந்தவா் கொக்குவில் பகுதியைச் சோ்ந்த முருகையா முகுந்தராஜா (வயது-34) என்பவர் என பொலிஸாா் தெரிவித்தனர்.

அத்துடன், விடுப்பில் வீடு திரும்பிய கடற்படைச் சிப்பாய்கள் இருவர் படுகாயமடைந்தனர். முதுசங்க வயது(38), எஸ்.டபள்யூ.கே. சம்பத் வயது(28) ஆகிய இரு கடற்படை சிப்பாய்கள் விடுமுறையில் செல்வதற்கு குறித்த காாில் ஏறி யாழ்ப்பாணம் பேருந்து நிலையத்திற்கு வரும் போது அவா்கள் இருவா் படுகாயமடைந்தனர்.

சாரதியின் மதுபோதையில் இருந்தார் என பொலிஸாா் தொிவித்தனா்.


Saturday, May 18, 2019

முள்ளிவாய்க்கால் நினைவேந்தல்!  -காய்ந்த இரத்தத்தை ஈரமாக்கிய கண்ணீர் துளிகள்-

முள்ளிவாய்க்கால் நினைவேந்தல்! -காய்ந்த இரத்தத்தை ஈரமாக்கிய கண்ணீர் துளிகள்-

தமிழின அழிப்பு மே 18 முள்ளிவாய்க்கால் நினைவேந்தல் நிகழ்வுகள் இன்று சனிக்கிழமை முல்லைத்தீவில் உள்ள முள்ளிவாய்க்கால் நினைவு முற்றத்தில் உணர்வோடு அனுஸ்ரிக்கப்பட்டது.

இன்று காலை 10.30 மணிக்கு  நினைவேந்தல் நிகழ்வு ஆரம்பிக்கப்பட்டது. முதலில் உயிரிழந்த அனைத்து உறவுகளின் ஆத்மா சாந்தியடைய இரண்டு நிமிட அக வணக்கம் செலுத்தப்பட்டது.

10.32 மணிக்கு இறுதி யுத்தத்தின் போது முள்ளிவாய்க்காலில் தாயை பறிகொடுத்த சிறுமி பிரதான சுடரினை ஏற்றி நினைவேந்தலை ஆரம்பித்து வைத்தார்.

இதனைத் தொடர்ந்து முள்ளிவாய்க்கால் நினைவு முற்றத்தில் இருந்த சுடர்கள் ஒவ்வொன்றின் முன் நின்றவர்கள் தாம்மிடம் இருந்து பறிக்கப்பட்ட உறவுகளை நினைந்து சுடர்களை ஏற்றி அஞ்சலித்தனர்.

உறவுகளை இழந்தவர்கள், கண்ணீர் விட்டும்,  கதறியும், முள்ளிவாய்க்கால் மண்ணில் அழுது புரண்டு தமது ஆற்ற முடியாத் துயரை வெளிப்படுத்தினர்.